Pasqua nel segno della Tradizione…
LU CRUCEFISSU
Mpisu allu parite stae lu Crucefissu,
tuttu pietusu, an terra uarda fissu,
le razze stampagnate e bbandunate
cu fierri nnervecati su’ nchiuate.
Nutu e friddu,
cu l’anche sciunte se mantene,
ma raggia pe’ nisciunu Iddhu nu tene!
La facce nu’ pozzu auzzare pe’ miu Difettu
cu uardu ddhu Sangu ca Ni curre te lu Piettu,
ma te cumpassione poi me bbiunda lu Signore
e l’ecchi mei se bagnanu t’amore!
Claudia Petracca
RISURREZIONE
Te quandu espostu t’anu misu,
subbra a’ ddhu altare, tuttu lluminatu,
cchiui te uardu e cchiui pensu…
Sù lu chesciune, ddhu beddhu voltu
te lu Figghiu tou anu stampatu,
anu stampatu gli angeli te cielu,
l’anu dipintu ddhu momentu…
Poi lu sguardu ae intru llù core miu
e leggu e bisciu tantu tantu vuotu.
Tutti cuntanu de guerra e de violenza,
ma intru a casa noscia
lacrime e lamienti
su pesciu te nna guerra!
Signore, mparani cu te cercamu
a dù nu sapimu ncora,
mparani cu te preamu cu lu core,
cu simu genitori diversi te tutti l’autri.
Imu utu l’onore cu frequentamu
la scola cchiù forte de lu mundu…
la scola de l’amore e de lu dolore
ca te osce ‘n poi s’à chiamare.
Corrado Serafino
E POI…
E poi…
Dha sira te tradiu cu nu baciu maru,
comu lu mieru ca beisti,
a dhu momentu a Tie tantu caru.
E poi…
Periedhu, le uardie te nde purtara
cu le catine ttaccate, comu nu banditu
e a llu Pietru ni decisti:
“Prima lu iadhru cu canta tre fiate
tie tre fiate m’à traditu!”.
Te pressa lu uardasti
e li chianti ni facisti enire.
Poi… te ficera tantu male
dha brutta ernetia.
Nu cuntenti, na curona te spine
te misera ncapu…
e na fiata an cruce
cu l’urtime forze à retatu:
“Sire miu percè m’à bbandunatu!”
E poi…
Na fiata muertu le carizze te dha mamma.
Ma dha tomba ne b’era pe’ Tie,
me la decìa lu core miu,
à risuscitatu percè sì Diu,
e à risuscitatu pe’ l’anema mia…
e allora… cussì sia!!!
Gabriele D’Aurelio
LA DUMINICA DE PASCA
La duminica de Pasca a casa mia simu ‘na sarcina
tra patri, matri, nonni, zie,
zii, cucini, cucine e lu cane Storm
ca della Resurrezione nu ne sape nienti
ma cu bbaia a schiovere sì!!!
Prima cu ne ssettamu, nonnuma minte ntavula
le puddiche cu l’ou sotu a mienzu
e lu striu cchiù piccinnu se lu futte.
Pare lu Riu: ci rita a destra, ci chiange a sinistra,
ma quandu sona lu pendolu la Menzatia
parimu quiddi de Buckingam Palace
percè ne scangiamu li posti
e quiddi sittati se ‘ntisane e quiddi zzati se ssettane.
A stu puntu rria la nonna Memè
ca pare lu sergente de turnu e dice:
“Mo nu’ se sta capisce cchiù nienti”.
E tocca ne stamu citti.
Nui strei chiù azzateddi facimu li porta piatti:
ieu ne scasciai quattru a Natale!
Dopo ure e ure d’inchimentu de ventre
tutti li strei se industrianu cu ccuccianu la letterina
sutta li piatti delli siri.
Lu zi Mariu, natu strittu de sordi,
se ccuccia ‘ntra lu bagnu cu nu’ caccia na lira.
Rranciatu qualche sordu,
scasciamu le ove a corpi de cazzotti
e volane schegge de cioccolatu e regalini
e fraima, comu ogni annu, se futte li mei.
Pare ‘na guerra, ma poi,
ne straccamu e ne settamu.
Finalmente rria la pace:
ete Pasca e nui piccinni simu felici;
li randi se cuntane le cose loru e poi nc’è n’agnellinu
ca cu la bandierina russa ne recorda a tutti
ca la Pasca è prima de tuttu Pace,
unione e fratellanza
e ‘ste cose a casa noscia sicuru nu mancanu,
comu me auguru ci sianu
intra tutte le famiglie de lu munnu.
Stefano Palladino
